12:0: хоккейден Қазақстан әйелдер құрамасы 2025 жылғы Азия ойындарын ірі жеңіспен бастады
Опубликовано:
Шайбалы хоккейден әйелдер құрамасы Қытайдағы қысқы Азия ойындарын жеңіспен бастады. Бұл туралы KAZ.NUR.KZ Турзим және спорт министрлігіне сілтеме жасап хабарлайды.
Аруларымыз топтық кезеңдегі алғашқы ойынында Гонконгпен кездесіп, 12:0 есебімен жеңіске жеткен.
Келесі ойын 4 ақпанда Астана уақытымен 16:30-да Таиланд құрамасына қарсы өтеді.
Шайбалы хоккейден бәсеке 14 ақпан күні мәресіне жетеді.
Айта кетейік, 7-14 ақпан күндері Қытай Халық Республикасының Харбин және Ябули қалаларында IX қысқы Азия ойындары өтеді. Ойынның салтанатты ашылу рәсімі 7 ақпанда өтеді.
Қазақстан құрамасынан Азия ойындарына 137 спортшы қатысады. Олар 6 спорт түрінен 10 дисциплинада (конькимен жүгіру спорты, шорт-трек, мәнерлеп сырғанау, биатлон, керлинг, шаңғы жарыстары, тау шаңғысы, фристайл, ски-альпинизм, шайбалы хоккей) өнер көрсетеді. Ұлттық команда 51 медаль жиынтығына таласады.
Бұған дейін Астанада Қазақстан құрамасын салтанатты шығарып салу рәсімі өткен еді.
Мәтіннен қате тапсаңыз, бізге жазыңыз