IX қысқы Азия ойындары: хоккейден Қазақстан ерлер құрамасы ширек финалға шықты
Опубликовано:
Қытайдың Харбин қаласында өтіп жатқан IX қысқы Азия ойындарында хоккейден еліміздің ерлер құрамасы ширек финалға шықты. Бұл туралы KAZ.NUR.KZ Спортты дамыту дирекциясына сілтеме жасап хабарлайды.
Харбиндегі кезекті жарыс күнінде хоккейден Қазақстан ерлер құрамасының жеңіс сериясы жалғасты. Бұл жолы Олег Болякин шәкірттері Оңтүстік Корея командасынан басым түскен. Есеп: 2-1.
Шайбалар:
- Кан Юн Сок (0-1) 11 минут, 08 секунд;
- Артём Лихотников (1-1) 44.58 секунд;
- Роман Старченко (2-1) 58.42 секунд.
Осылайша, Ұлттық құрама топтан жеңіліссіз ширек финалға шықты.
Естеріңізге сала кетсек, бұған дейін хоккейден Қазақстан ерлер құрамасы Жапониядан 4:1 есебімен басым түскен еді. Ал әйелдер құрамасы Оңтүстік Кореяны жеңді. Овертаймда жеңіс шайбасын Александра Шегай соқты.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/hockey/2219387-ix-qysqy-aziia-oiyndary-hokkeiden-qazaqstan-erler-quramasy-shirek-finalga-shyqty/