Тоқаев Канадада жеңіске жеткен қазақстандық жас хоккейшілерді құттықтады
Жарияланған күні:
Президент Astana Team балалар хоккей командасын Канадада өткен Quebec International Pee-Wee Hockey Tournament халықаралық жарысында жеңіске жетуімен құттықтады, деп хабарлайды KAZ.NUR.KZ президенттің баспасөз хатшысы Айбек Смадиярдың Telegram-дағы арнасына сілтеме жасап.
Мемлекет басшысы қазақстандық клубтың cенсациялық жетістігі отандық спорттағы айтулы уақиға екенін атап өтті.
Қасым-Жомарт Тоқаев жоғары шеберлік деңгейі мен жеңіске деген ынта-жігерін паш етіп, ақтық сында хоккейдің отаны саналатын канадалықтардан басым түскен өрендерімізге ризашылығын жеткізді.
Президент жас хоккейшілердің табанды түрде жаттығып, күш-қайраттарын шыңдап, бұдан да биік асуларды бағындыруына тілектестік білдірді.
Естеріңізге сала кетейік, қазақстандық Astana Team командасы Канадада жыл сайын өтетін жасөспірімдер арасындағы беделді Quebec International Pee-Wee Hockey Tournament турнирінің финалында жеңіске жетті.
Хоккей федерациясының хабарлауынша, финалда отандық жас хоккейшілер жергілікті "Нуар э Ор де Мортань" командасын негізгі уақытта 3:3 есебінен кейін буллиттер сериясында ұтып, тарихи табысқа қол жеткізді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/hockey/2346606-toqaev-kanadada-zhengiske-zhetken-qazaqstandyq-zhas-hokkeishilerdi-quttyqtady/