Шавкат Рахмонов UFC-дегі үшінші жеңісіне қол жеткізді

Қазақстандық файтер Шавкат Рахмонов Ultimate Fighting Championship-тегі (UFC) үшінші кездесуін өткізіп, жеңіс тұғырынан көрінді, деп хабарлайды KAZ.NUR.KZ тілшісі.

АҚШ-тың Лас-Вегас қаласында өткен UFC Vegas 47 турнирінде Шавкат Рахмонов Гайана өкілі Карлстон Харристан басым түсті.

Үш раундқа жоспарланған жекпе-жек бірінші раундта-ақ аяқталып, отандасымыздың пайдасына шешілді.

Айта кетейік, бұл Шавкат Рахмоновтың UFC-дегі үшінші, ММА-дағы 15-жеңісі. Оның барлық жекпе-жегі уақытынан бұрын аяқталған.

Ал Карлстон Харристың бұл кәсіби мансабындағы бесінші, UFC-дегі алғашқы жеңілісі.

Еске сала кетейік, Шавкат Рахмонов UFC промоушеніндегі алғашқы кездесуін 2020 жылдың 25 қазанында Абу-Дабиде өткізген еді. Ол кезде файтер бразилиялық Алекс Оливейраны бірінші раундта-ақ жеңген болатын.

Екінші кездесуінде ол тағы бір бразилиялық спортшыны тұншықтыру әдісімен жеңді.

Мәтіннен қате тапсаңыз, бізге жазыңыз