Танымал қазақстандық аралас жекпе-жек шебері Шавкат Рахмонов UFC-мен жаңа келісімшартқа отырды. Бұл туралы файтер Twitter әлеуметтік желісіндегі парақшасында хабарлады деп, жазады KAZ.NUR.KZ тілшісі.
Келісімшарт аясында бірнеше жекпе-жек өтеді деп жоспарланып отыр. Алайда оның шарттары мен қаржылай жағы белгісіз.
Айта кетейік, қазақстандық файтер биыл 5 ақпанда UFC-де Карлстон Харриске қарсы жекпе-жек өткізіп, бірінші раундта нокаутпен жеңіске жеткен еді.
25 маусымда Рахмоновтың америкалық промоушндағы келесі жекпе-жегі өтеді. Бұл жолы оның қарсыласы UFC-дегі жеңісі бойынша рекордсмен - Нил Мэгни.
Одан бөлек жақында Шавкат Рахмоновтың ұлы дүниеге келді.
Мақаланың түпнұсқасы: https://kaz.nur.kz/sport/mma/1965696-savkat-raxmonov-ufc-men-zana-kelisimsartqa-otyrdy/
