"Абылай хан мен Қабанбай батыр секілді": Желіде Тоқаев пен Шавкаттың кездескен сәтінің видеосы тарады

Желіде мемлекет басшысы Қасым-Жомарт Тоқаевтың аралас жекпе-жек шебері Шавкат Рахмоновтың Ақордада қабылдаған сәтінің видеосы тарады, деп жазады KAZ.NUR.KZ тілшісі.

Видеоны Мәдениет және спорт министрі Асхат Оралов Instagram желісіндегі парақшасында жариялады.

"Мемлекет басшысы Қасым-Жомарт Тоқаев Шавкат Рахмоновты қабылдады", - делінген видеоның мәтінінде.

Кадрдан президенттің қабылдауында Шавкат Рахмоновпен бірге Мәдениет және спорт министрі Асхат Ораловтың болғанын аңғару қиын емес.

Бұны көрген желі оқырмандары пікірлерін жарыса жазды.

"Жеңіс құтты болсын, Шавкат үшін мақтанамыз", "Шавкат жарайсың", "Абылай Хан мен Қабанбай Батыр секілді көрініс", "Қазақ батырлары көп болсын", "Тамаша сәт", - деді олар.

Посмотреть эту публикацию в Instagram

Публикация от Instagram

Еске сала кетейік, бұған дейін мемлекет басшысы Қасым-Жомарт Тоқаевтың аралас жекпе-жек шебері Шавкат Рахмоновты қабылдағанын жазған едік.

Президент даңқты спортшыны таяуда Лас-Вегас қаласында өткен UFC турнирінде жеңіске жетуімен құттықтады. 

Жарыста отандық спортшы америкалық Джефф Нилді қылқындыру әдісімен ұтты.

Мәтіннен қате тапсаңыз, бізге жазыңыз