Отандық спортшы MMA-дегі алғашқы жекпе-жегінде қарсыласын нокаутқа жіберді

22 жастағы қазақстандық спортшы Олжас Ерланов Қырғызстанның Кара-Балта қаласында өткен EFC Global 33 турнирінде өнер көрсетті.

Sports.kz мәліметінше, қазақстандық файтердің қарсыласы 18 жастағы қырғызстандық спортшы Дастан Каныбек уулу болған.

57 келіге дейінгі салмақтағы жекпе-жек үш раундқа жоспарланған еді. Алайда екінші раундта Олжас Ерланов қарсыласын нокаутқа жіберіп, айқасты мерзімінен бұрын аяқтады.

Осылайша, қазақстандық файтердің MMA-дегі дебюті жеңіспен басталды. Сонымен қатар Дастан Каныбек уулуның да бұл кәсіпқой мансабындағы алғашқы кездесуі ретінде тіркеліп отыр.

Мәтіннен қате тапсаңыз, бізге жазыңыз