Қазақстандық аралас жекпе-жек шебері Нарбол Ахмет кәсіпқой мансабындағы алғашқы жекпе-жегін өткізді. Бұл туралы Sports.kz хабарлайды.
19 жастағы отандық спортшы Қырғызстанның Қара-Балта қаласында өткен EFC Global 33 турниріне қатысты.
Оның қарсыласы 21 жастағы жергілікті файтер Чынгыз Базарқұлов болды.
57 келіге дейінгі салмақтағы кездесу үш раундқа жоспарланған еді.
Алайда жекпе-жек алғашқы раундта қазақстандық аралас жекпе-жек шеберінің пайдасына аяқталды.
Нарбол Ахмет кездесудің басынан-ақ қарсыласын жерге құлатып, соққының астына алған. Осыдан соң төреші айқасты тоқтатуға мәжбүр болды.
Айта кетейік, EFC Global 33 турнирінде тағы бір отандық файтер Олжас Ерланов қарсыласынан басым түсті.
Мақаланың түпнұсқасы: https://kaz.nur.kz/sport/mma/2029180-19-zastagy-qazaq-balasy-qyrgyzstanda-zergilikti-sportsyny-qiyndyqsyz-utty-video/
