UFC-дің бұрынғы файтері Жалғас Жұмағұлов қазақстандық Naiza FC лигасындағы жекпе-жегіне қатысты пікір білдірді. Спортшы келісімшартқа қол қойғанын растады, деп хабарлайды KAZ.NUR.KZ Legalbet.kz сайтына сілтеме жасап.
"Менің қарсыласым – бразилиялық. Шынымды айтсам, аты-жөнін ұмытып қалдым. Бірақ жақын арада ресми мәлімдеме болады, келісімшартқа қол қойдық. Шарттары бұрынғыдай. Бәрі мен сұрағандай қалды", - деді файтер.
Жалғас Жұмағұлов Naiza FC лигасындағы жекпе-жегін екінші желтоқсан Астана қаласында өткізеді.
Бұған дейін спортшы қазақстандық ұйымда жұдырықтасқаны үшін де, жеңгені үшін де 30 мың доллар алатынын айтқан еді.
Мақаланың түпнұсқасы: https://kaz.nur.kz/sport/mma/2040861-kelisimsartqa-qol-qoidyq-zalgas-zumagulov-naiza-fc-ligasyndagy-zekpe-zegi-zaily-aitty/
