Ислам Махачев жаңартылған рейтингте Джон Джонсты басып озды

Ресейлік файтер Ислам Махачев UFC-дің P4P рейтингінде Джон Джонсты басып озып, бірінші орынға шықты, деп хабарлайды KAZ.NUR.KZ UFC промоушенінің ресми сайтына сілтеме жасап.

UFC промоушенінің жеңіл салмақ чемпионы ресейлік Ислам Махачев үздік файтерлердің жаңартылған рейтингінде бірінші орынға шықты. Салмақ дәрежесін есептемегендегі (P4P) рейтингінің үздік бес файтерінің тізімі осылай өзгерді:

1. Ислам Махачев
2. Джон Джонс
3. Александр Волконовский
4. Леон Едвардс
5. Чарлес Оливейра

Еске салайық, ресейлік файтер Ислам Махачев (25-1) 22 қазан күні UFC 294 турнирінде чемпиондық белбеуін сәтті қорғаған еді. Оның қарсыласы болып австралиялық Александр Волконовский (26-3) өнер көрсетті. Жекпе-жек мерзімінен бұрын аяқталған болатын.

Мәтіннен қате тапсаңыз, бізге жазыңыз