Еуразиялық жекпе-жек лигасы ұйымдастырған аралас жекпе-жектен OCTAGON SELECTION 31 турнирі өтті. Жартылай жеңіл салмақта қазақстандық Әділжан Кенжебек өзбекстандық Лазиз Очиловпен кездесті. Бұл туралы KAZ.NUR.KZ тілшісі хабарлайды.
Кездесудің алғашқы секундтарынан-ақ екі файтер арасында қызу тартыс басталды. Жұдырықтасуды уақытынан бұрын аяқтауға тырысқан Очиловтың шабуылына 27 жастағы аралас жекпе-жек шебері Кенжебек қарсы тұрды.
Алайда Очилов қарсыласының мойынынан қысып тұншықтыру әдісін жасады. Қазақстандық файтерге жерді ұрып, берілгенін мойындаудан басқа амал қалмады.
Бұл Әділжан Кенжебектің ММA-дағы дебюті. Ал 24 жастағы өзбекстандық файтер Лазиз Очиловтың кәсіпқой ретіндегі алғашқы жеңісі (1-1).
Мақаланың түпнұсқасы: https://kaz.nur.kz/sport/mma/2047978-qazaqstandyq-faiter-algasqy-zekpe-zeginde-ozbekstandyq-sportsydan-zenildi/
