Асу Алмабаевтың төртінші перзенті дүниеге келді

Қазақстандық аралас жекпе-жек жұлдызы Асу Алмабаев отбасындағы қуанышты жаңалықты көпке жария етті. UFC-де ел намысын қорғап жүрген спортшының төртінші перзенті дүниеге келді, деп жазады KAZ.NUR.KZ.

Асу Алмабаев келіншегі төртінші перзентін дүниеге әкелгенін Instagram парақшасында хабарлады. Ол перзентханада сәбиімен түскен суретін жариялап, "Әлхамдулиллаһ. Төрт дүркін әке" деген жазба қалдырды.

Айта кетейік, 29 жастағы қазақстандық спортшы бүгінде UFC аясында бір жекпе-жек өткізді. Ол ямайкалық Оди Осборнға қарсы шығып, оны екінші раундта қылқындыру әдісімен жеңіп кетті.

Асу Алмабаев UFC-дегі екінші жекпе-жегін америкалық Си Джей Вергараға қарсы өткізеді. Олар келер жылы 9 наурызда Майамиде өтетін UFC 299 турнирінде күш сынасады.

Мәтіннен қате тапсаңыз, бізге жазыңыз