UFC промоушеніндегі аса жеңіл салмақ дивизионындағы америкалық файтер Си-Джей Вергара өзінің алдағы жекпе-жектегі қарсыласы қазақстандық Асу Алмабаевқа әлеуметтік желіде қыр көрсетті. Бұл туралы KAZ.NUR.KZ америкалық спортшының Instagram-дағы ресми парақшасына сілтеме жасап хабарлайды.
Аса жеңіл салмақта өнер көрсететін файтерлер арасындағы кездесу 9 наурыз күні UFC 299 турнирінің аясында Майамиде өтеді. Си-Джей Вергара өзінің Instagram-дағы парақшасына кездесудің афишасын салып, посттың астына "Соғыс ашылды, кел де жең", – деп пікір қалдырған.
Еске салайық, Асу Алмабаевтың UFC промоушеніндегі екінші жекпе-жегі Си-Джей Вергараға қарсы өтеді. Қазақстандық файтер аталмыш лигада 5 тамыз күні дебют жасады. Алғашқы кездесуі ямайкалық спортшы Оди Осборнды уақытынан бұрын жеңген еді.
Мақаланың түпнұсқасы: https://kaz.nur.kz/sport/mma/2052724-asu-almabaevtin-qarsylasy-aleumettik-zelide-qazaqstandyq-faiterge-undeu-zasady/
