Дана Уайт UFC 300 турнирінде қытайлық Вейли Чжан Си мен Ян Сяонань кездесетіні жайлы айтты. Бұл туралы KAZ.NUR.KZ Дана Уайттың Twitter-дегі ресми парақшасына сілтеме жасап хабарлайды.
UFC промоушенінің мерейтойлық турнирі 13 сәуір күні Лас-Вегаста өтеді. Уайт UFC 300 турнирінің негізгі карды аясында чемпиондық титул үшін тарихта алғаш рет екі қытайлық файтердің жұдырықтасатынын айтты.
Жекпе-жек аса жеңіл салмақ дәрежесіндегі әйелдер арасында өтеді. Чжан осы дивизионның чемпиондық белбеуінің иегері, ал Сяонань рейтингте екінші орында. Әйелдер арасындағы рейтинг бойынша Чжан екінші орында, Сяонань тоғызыншы орында.
Вейли Чжан Сидің кәсіпқой ММА-дағы рекорды 24 жеңіс, 3 жеңіліс. Сяонаньнің есебінде 17 жеңіс пен 3 жеңіліс бар.
Осыған дейін UFC 300 турнирінің тағы бірнеше кездесуі белгілі болған еді. Олардың ең айтулысы жеңіл салмақ дәрежесіндегі бразилиялық Чарльз Оливейра мен ресейлік Арман Царукян арасындағы жекпе-жек.
Мақаланың түпнұсқасы: https://kaz.nur.kz/sport/mma/2055038-dana-uait-ufc-300-turnirinde-bolatyn-tarixi-zekpe-zek-turaly-malimdeme-zasady/
