Хамзат Чимаев UFC-дің жаңа чемпионын жекпе-жекке шақырды

Аралас жекпе-жек шебері Хамзат Чимаев орта салмақтағы UFC-дің жаңа чемпионы Дрикусу дю Плессиге үндеу жасады. Бұл туралы KAZ.NUR.KZ Хамзат Чимаевтың X желісіндегі ресми парақшасына сілтеме жасап хабарлайды.

Дю Плесси америкалық файтер Шон Стриклендті жеңіп, UFC промоушенінің чемпиондық титулына ие болған алғашқы Оңтүстік Африка Республикасының өкілі болды.

Шон Стрикленд пен Дю Плесси арасындағы жекпе-жектен соң Хамзат Чимаев X желісіндегі парақшасында жазба жариялады.

"UFC 300-де көрісеміз, Биплиси" — деп жазды Хамзат.

Айта кетейік, UFC 300 турнирі 13 cәуірде өтеді.

Қазір Хамзат Чимаев орта салмақтағы файтерлер рейтингінде 9-орында тұр. Ол 13 рет жекпе-жекке шығып, бірде-бір рет жеңілмеген. Ал Дю Плессидің активінде 20 жеңіс, 2 жеңіліс бар.

Мәтіннен қате тапсаңыз, бізге жазыңыз