Америкалық аралас жекпе-жек шебері Чарльз Джонcон қазақстандық спортшы Азат Мақсұммен болатын кездесуі туралы пікір білдірді. Бұл туралы KAZ.NUR.KZ Чарльз Джонсонның Instagram-дағы ресми парақшасына сілтеме жасап хабарлайды.
Азат Мақсұм мен Джонсон Лас-Вегаста өтетін UFС Fight Night 235 кешінде жұдырықтасады. Қазақстандық файтер үшін бұл аталмыш промоушендегі екінші кездесу болғалы тұр. Чарльз Джонсон әлеуметтік желідегі ресми парақшасында жекпе-жекке дайындығы туралы да сөз қозғады.
"3 ақпанда мықты жекпе-жек көрсетемін. Бұл менің мүлде жеңілмеген үшінші қарсыласым, мен өзімді көрсетуге дайынмын. Бар ойым тек жеңіске жету.
Біз Броди екеуміз 15-астам спарринг өткіздік. Өзімді ең күшті және қауіпті қарсылас ретінде сезініп тұрмын. Кеттік!", – деп жазды Джонсон.
Аса жеңіл салмақ дәрежесінде өнер көрсететін Азат Мақсұм UFC промоушенінде 2023 жылдың 15 маусымында дебют жасап, қарсыласы Тайсон Нэмды төрешілердің шешімімен жеңген еді.
Мақаланың түпнұсқасы: https://kaz.nur.kz/sport/mma/2056810-ufc-promouseninin-faiteri-azat-maqsumnyn-qarsylasy-aleumettik-zelide-ses-korsetti/
