Америкалық файтер Чарльз Джонсон қазақстандық аралас жекпе-жек шебері Шавкат Рахмоновтың UFC чемпионы болу ықтималдығы жайлы пікір білдірді. Бұл туралы KAZ.NUR.KZ Sports.kz порталының ресми сайтына сілтеме жасап хабарлайды.
Америкалық спортшы Джонсонның айтуынша, Шавкат Рахмоновтың чемпион болу мүмкіндігі үлкен.
"Рахмонов чемпион болуы мүмкін. Оның мүмкіндігі мол. Қарсыластарына әлі жетеді", – деді спортшы.
Еске салайық, Чарльз Джонсон аса жеңіл салмақ дәрежесіндегі қазақстандық файтер Азат Мақсұмға қарсы жұдырықтасады. Кездесу Лас-Вегаста 4 ақпанда өтетін UFC Fight Night 235 кешіне жоспарланған.
Айта кетейік, жартылай орта салмақ дәрежесіндегі UFC чемпионы – Леон Эдвардс. Оның рекорды 22 жеңіс, 3 жеңіліс. Ал Шавкат жартылай орта салмақ дәрежесіндегі UFC рейтингінде Камару Усман мен Белал Мухаммадтан кейін үшінші тұр.
Мақаланың түпнұсқасы: https://kaz.nur.kz/sport/mma/2057498-amerikalyq-faiter-savkat-raxmonov-turaly-pikirin-aitty/
