Асу Алмабаев UFC-дегі екінші жекпе-жегіне дайындалып жатыр (видео)

Аса жеңіл салмақта сынға түсетін қазақстандық файтер Асу Алмабаев UFС-дегі екінші кездесуіне дайындықты бастап кетті. Бұл туралы KAZ.NUR.KZ Dar Pro Team командасының Instagram-дағы ресми парақшасына сілтеме жасап хабарлайды.

Асу Алмабаев 9 наурызда Майамиде (Флорида штаты) өтетін UFC 299 турнирі аясында жекпе-жек өткізеді. Оның қарсыласы – жергілікті файтер Си Джей Вергара.

Бұл кездесуге Алмабаев АҚШ-тағы Kill Cliff FC спорт залында Генри Хуфт және Саид Сапаровтың жетекшілігімен жаттығып жатыр. Dar Pro Team командасы қазақстандық файтердің жаттығу сәтінен видео жариялады.

Посмотреть эту публикацию в Instagram

Публикация от Instagram

Айта кетейік, өткен жылы тамыз айында Асу Алмабаев АҚШ-та өткен UFC Fight Night турнирінде америкалық Оди Осборнды (12-6 есебімен) қылқындыру әдісімен ұтты. Бұл оның UFС-дегі дебюті болды. 30 жастағы қазақстандық файтер барлығы 15 кездесу өткізген. 13 мәрте жеңсе, 2 рет жеңіліске ұшыраған.

Мәтіннен қате тапсаңыз, бізге жазыңыз