Бекзат Алмахан UFC-дегі алғашқы жекпе-жегін өткізу үшін АҚШ-қа жол тартты (видео)
Опубликовано:
Қазақстандық аралас жекпе-жек шебері Бекзат Алмахан UFC-дегі алғашқы жекпе-жегін өткізу үшін АҚШ-қа аттанды. Бұл туралы KAZ.NUR.KZ тілшісі хабарлайды.
Бекзат Алмахан 3 наурызда UFС-де дебют жасайды. Оның қарсыласы – ресейлік файтер Умар Нурмагомедов. Жекпе-жек UFC Fight Night 238 турнирі аясында Лас-Вегаста (АҚШ) болады. Қазақстандық файтер осы жекпе-жекке қатысу үшін Алматыдан АҚШ-қа аттанды.
"Бекзат Алмахан Америкаға жолға шықты. Батырымызға дұға тілеп қояйық", – деп жазды Жасұлан Мейірманов Instagram-дағы парақшасында.
Еске салайық, қаңтар айында Бекзат Алмахан UFC промоушенімен келісімшарт жасасты. Кейін оның UFC-дегі алғашқы қарсыласы белгілі болды.
Бекзат Алмахан Орталық Азияның үздік промоушендерінің бірі Octagon-да жеңіл салмақ дәрежесінде өнер көрсеткен. Кәсіпқой мансабында жалпы есепте 18 жекпе-жек өткізіп, тек біреуінде ғана есе жіберген. Десе де соңғы 9 жұдырықтасуында жеңіс тұғырынан көрінген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/mma/2063202-bekzat-almaxan-ufc-degi-algasqy-zekpe-zegin-otkizu-usin-aqs-qa-zol-tartty-video/