Америкалық файтер Шавкат Рахмоновпен жекпе-жек өткізетінін мәлімдеді

Америкалық файтер Белал Мухаммад келесі жекпе-жегі туралы мәлімдеме жасады. Бұл туралы KAZ.NUR.KZ Белал Мухаммадтың X желісіндегі ресми парақшасына сілтеме жасап хабарлайды.

"Леон Эдвардспен маусымда кездесемін. Ал титулымды қорғау үшін өтетін алғашқы жекпе-жегім қазанда Шавкат Рахмоновқа қарсы болады", – деп жазды Белал Мухаммад.

Қазір Белал Мухаммад UFC-дің жартылай орта салмақтағы рейтингінде екінші, ал Шавкат Рахмонов үшінші орында тұр.

Еске салайық, Шавкат Рахмонов Леон Эдвардсқа қарсы жекпе-жектен бас тартқаны айтылған еді. Алайда Шавкаттың менеджері Саят Абдрахманов бұл ақпаратты жоққа шығарды. Менеджердің айтуынша, жекпе-жек туралы ұсыныс түспеген. Сондай-ақ қазақстандық файтер қандай жағдайда спортты тастап кететінін мәлімдеді.

Айта кетейік, Шавкат Рахмонов соңғы жекпе-жегінде Стивен Томпсонды екінші раундтың соңына қарай тұншықтыру әдісімен жеңді. Бұл кездесу өткен жылы 17 желтоқсанда UFC 296 турнирі аясында Лас-Вегас (АҚШ) қаласында болды.

Мәтіннен қате тапсаңыз, бізге жазыңыз