Қазақстандық файтер Хабибтің бауырына қарсы жекпе-жек алдында Макгрегор туралы айтты

Қазақстандық аралас жекпе-жек шебері Бекзат Алмахан ресейлік файтер Умар Нурмагомедовке қарсы өтетін UFC-дегі дебюті қарсаңында Конор мен Хабиб арасындағы жекпе-жек туралы айтты. Бұл туралы KAZ.NUR.KZ MMA.Metaratings.ru порталына сілтеме жасап хабарлайды.

Бекзат Алмахан 3 наурызда Лас-Вегастағы UFC Fight Night 238 турнирінің негізгі кардында Хабиб Нурмагомедовтің немере інісі Умарға қарсы жекпе-жек өткізеді.

"– Мансап жолыңыздың басында қандай жауынгерлерді үлгі тұтуға тырыстыңыз?

– Мансабымды бастаған кезде маған Конор Макгрегор ұнады. Оның шоу, жарнама және т.б. тұрғысынан өзін қалай ұстайтыны, жекпе-жектері ерекше. Мен оның стиліне тәнті болдым.

– Макгрегор мен Хабиб Нурмагомедов арасында жекпе-жекте кімге жанкүйер болдыңыз?

– 50/50 болды, бірақ Хабиб біздің мұсылман бауырымыз болғандықтан, мен соған жақтастым", – деді қазақстандық файтер.

Еске салайық, осыған дейін Умар Нурмагомедов Бекзат Алмаханмен күш сынасуға неге келіскенін айтқан еді. Бекзат Алмахан қаңтар айында UFC-мен келісімшарт жасасты.

Мәтіннен қате тапсаңыз, бізге жазыңыз