Дамир Исмагуловтың ресейлік файтерге қарсы жекпе-жегі басқа күнге ауысты
Опубликовано:
Аралас жекпе-жек шебері Дамир "Qazaq" Исмагулов пен ресейлік файтер Эдуард Вартанянның "Наше дело 82" турнирі аясындағы кездесуі басқа күнге ауысты. Бұл туралы KAZ.NUR.KZ "Наше дело" лигасының Instagram-дағы ресми парақшасына сілтеме жасап хабарлайды.
"Наше Дело 82" турнирі 2 наурызда Мәскеудегі "Лужники" cпорт кешенінде өтуге тиіс болған.
"Өткізу орнындағы техникалық себептерге байланысты "Наше Дело 82" турнирі кардты сақтай отырып, басқа күнге ауыстырылады. Билет сатып алған барлық көрерменге ақша қайтарылады", – делінген лиганың Instagram-дағы парақшасында.
Вартаниян соңғы жекпе-жегін 2023 жылдың маусымында "Гран-при АСА" турнирінің финалында қазақстандық файтер Артем Резников қарсы өткізіп, нокаутпен жеңген еді. Оның MMA-дағы рекорды – 25-4.
Ал Исмагулов cоңғы рет октагонға 2023 жылдың шілдесінде шығып, америкалық файтер Грант Доусоннан жеңіліп қалды. "Qazaq" осы уақытқа дейін 24 рет жеңіске жетіп, 3 рет жеңіліс тапқан.
Еске салайық, HFC MMA лигасының чемпионы, Тәжікстан өкілі Фазлиддин Мадрахимов Дамир Исмагуловты жекпе-жекке шақырған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/mma/2063904-damir-ismagulovtyn-reseilik-faiterge-qarsy-zekpe-zegi-basqa-kunge-auysty/