Қазақстандық аралас жекпе-жек шебері Бекзат Алмахан UFC промоушеніндегі алғашқы жекпе-жегінен кейін елге оралды. Бұл туралы KAZ.NUR.KZ тілшісі хабарлайды.
Бекзат Алмаханды әуежайдан жанкүйерлер мен әріптестері күтіп алды. Жиналғандар қазақстандық файтерге құрмет білдіріп, шапан жапты. Олар осы шапанмен UFC-дің төріне шығу бұйырсын деген тілек айтты.
Еске салайық, Бекзат Алмахан 2 наурызда UFC-де дебют жасаған еді. Жекпе-жек Лас-Вегаста (АҚШ) UFC Fight Night 238 турнирінде өтті. Қазақстандық файтердің қарсыласы ресейлік аралас жекпе-жек шебері Хабиб Нурмагомедовтің туысқаны Умар Нурмагомедов болды. Үш раундқа созылған жекпе-жекте Умар Нурмагомедов төрешілердің шешімімен басым түсті. Осылайша мансабындағы он жетінші, UFC-дегі бесінші жеңісіне қол жеткізді. Ал Бекзат Алмахан мансабында екінші рет жеңіліске ұшырады.
Айта кетейік, Бекзат Алмахан қаңтар айында UFC-мен келісімшартқа отырған еді. Кейін оның промоушендегі алғашқы қарсыласы Умар Нурмагомедов болатыны анықталды.
Мақаланың түпнұсқасы: https://kaz.nur.kz/sport/mma/2064747-zankuierler-bekzat-almaxandy-auezaidan-kutip-alyp-bagaly-syilyq-tabystady-video/
