"Бәрі менімен төбелескісі келеді": қазақстандық файтер өзін Конор Макгрегорға теңеді

Қазақстандық аралас жекпе-жек шебері Артем Резников өзін UFC-дің бұрынғы чемпионы Конор Макрегорға теңеді. Бұл туралы KAZ.NUR.KZ тілшісі хабарлайды.

"Соңғы екі жеңілісімнен кейін үздік файтерлер мені жекпе-жекке шақыра бастады. Олар мені тезірек жеңгісі келетін сияқты. Әзірге мен қалпыма келмедім. Біздің дивизиондағы үздіктер көбіне солтүстік Кавказдың өкілдері. Бірақ неге екені белгісіз, олар бір-бірімен жекпе-жекке шықпайды. Мен олар үшін бұқаға арналған қызыл шүберек тәріздімін. Мен АСА-да UFC-дегі Конор Макгрегор сияқтымын. Қандай жағдай болмасын бәрі менімен жекпе-жекке шыққысы келеді!", – деп жазды Резников Instagram Stories-ке.

Еске салайық, өткен жылы Ресников екі рет жеңіліске ұшырады. Әуелі маусым айында Гран-при финалында Эдуард Вартанянмен кездесіп, үшінші раундта техникалық нокаутпен жеңіліп қалды. Кейін желтоқсанда АСА Гран-приінің ширек финалында Әли Баговқа есе жіберді.