UFC промоушенінің президенті Хамзат Чимаевтің келесі қарсыласын атады. Бұл туралы Дана Уайттың Instagram-дағы парақшасына сілтеме жасаған KAZ.NUR.KZ хабарлайды.
Дана Уайттың айтуынша, Хамзат Чимаев 22 маусымда алғаш рет Сауд Арабиясында өтетін UFC турнирінде жекпе-жекке шығады. Оның қарсыласы – орта салмақтағы бұрынғы UFC чемпионы, Аустралия өкілі Роберт Уиттакер.
Осы жекпе-жекте жеңген файтер чемпиондық белбеуге үміткер атанады.
Хамзат Чимаев соңғы рет октагонға 2022 жылдың қыркүйегінде шығып, Камару Усманды төрешілердің шешімімен жеңген еді. Оның UFC-дегі рекорды – 7-0.
Ал Роберт Уиттакер биыл ақпанда бразилиялық файтер Пауло Костаны ұтқан болатын. Уиттакердің активінде 16 жеңіс пен 5 жеңіліс бар.
Естеріңізге сала кетсек, бұған дейін UFC президенті Дана Уайт орта салмақтағы бұрынғы чемпион Исраэль Адесанья мен Хамзат Чимаев арасында жекпе-жек өтетіні туралы ақпаратты жоққа шығарған еді.
Мақаланың түпнұсқасы: https://kaz.nur.kz/sport/mma/2074560-xamzat-cimaevtin-ufc-degi-kelesi-qarsylasy-anyqtaldy/
