Қазақстандық аралас жекпе-жек шебері Қуат Хамитов ресейлік файтер Александр Шлеменкоға есе жіберді. Бұл туралы KAZ.NUR.KZ тілшісі хабарлайды.
Қуат Хамитов пен Александр Шлеменко Екатеринбургте (Ресей) өткен RCC 19 турнирінде кездесті. Жекпе-жек орта салмақ дәрежесінде (83,9 кг) өтті және үш раундқа созылды. Бұл бәсекеде Шлеменко төрешілердің шешімімен жеңіске жетті (30-26, 30-26, 30-27).
Қазір Шлеменконың есебінде 65 жеңіс, 15 жеңіліс бар. Бір жекпе-жегінде қарсыласымен тең түссе, тағы бір жекпе-жегі нәтижесіз аяқталған.
Ал Хамитов кәсіпқой MMA-да тоғызыншы рет жеңілді. 36 жастағы қазақстандықтың активінде 24 жеңіс бар. Бір жекпе-жегі тең есеппен аяқталған.
Еске салайық, Қуат "Найман" Хамитов Атырау облысында тасқын судан зардап шеккен халыққа гуманитарлық көмек жібергенін жазған едік.
Мақаланың түпнұсқасы: https://kaz.nur.kz/sport/mma/2098781-quat-hamitov-reseilik-faiterden-zhengilip-qaldy/
