Шавкат Рахмоновтың дивизионында титулды жекпе-жек болады деген ақпарат пайда болды

UFC промоушенінің комментаторы Джон Аник әлеуметтік желіде Шавкат Рахмонов өнер көрсететін жартылай орта салмақ дивизионында титулды жекпе-жек туралы қызықты жазба жариялады. Бұл туралы KAZ.NUR.KZ тілшісі хабарлайды.

Бұл салмақ дәрежесінде чемпиондық белбеу британиялық файтер Леон Эдвардсқа тиесілі. Титулдық жекпе-жекке бейресми үміткер – Белал Мұхаммед. Ол дивизиондағы үздік файтерлер арасында 2-орында (Шавкат Рахмонов үшінші).

"Англиядағы Манчестер қаласына билет сатып алдым. Сол жерде кездескенше, Белал Мухаммад", - деп жазды Аник өзінің X парақшасында.

Айта кетейік, UFC 304 турнирі Манчестерде 28 шілдеде өтеді. Кештің карды әлі ресми түрде жарияланған жоқ. Десе де Джон Аниктің сөзіне сүйенсек, Мұхаммед негізгі кардта Эдвардспен жекпе-жекке шығады. Сондай-ақ бұл жекпе-жек туралы UFC лигасынан ресми мәлімдеме болмады.

Мәтіннен қате тапсаңыз, бізге жазыңыз