UFC чемпионы Шавкат Рахмоновпен жұдырықтаспақ болғанын айтты

Жартылай орта салмақтағы UFC чемпионы Леон Эдвардс қазақстандық файтер Шавкат Рахмоновпен UFC 300 турнирінде жекпе-жекке шықпақ болған. Бұл туралы Эдвардс The MMA Hour подкастында айтты, деп хабарлайды KAZ.NUR.KZ.

Осыған дейін Леон Эдвардс 27 шілдеде Манчестерде (Англия) өтетін UFC 304 турнирінде америкалық файтер Белал Мухаммадпен титулдық жекпе-жек өткізетіні ресми түрде хабарланған еді.

"Мен олардан (UFC) Белалмен жекпе-жекке шығаруын сұрадым. Бірақ олар маған UFC 300 турниріне үш қарсылас ұсынды. Мен "Белал ше?" деп сұрағанымда, олар бас тартты", - деді Леон.

– Саған Ислам Махачев, Шавкат Рахмонов және Хамзат Чимаевпен жұдырықтасуды ұсынғаны рас па?

– Иә, мен олармен жекпе-жекке шығуға келістім, бұл менің мансабыма пайдалы болар еді. Бірақ одан ештеңе шықпады", - деді жауап берді спортшы.

Еске салайық, мерейтойлық UFC 300 турнирі 14 сәуірде өтті. Махачев пен Чимаев Рамазан айында жекпе-жек өткізбейтінін мәлімдеді. Ал Шавкат Рахмонов 2023 жылдың желтоқсанында Томпсонмен жекпе-жегі алдында тобығын жарақаттап алғанына байланысты жекпе-жектен бас тартқан болатын.

Мәтіннен қате тапсаңыз, бізге жазыңыз