Қазақстандық аралас жекпе-жек шебері Асу Алмабаев UFC промоушенінің аса жеңіл салмақ дәрежесіндегі рейтингінде бір сатыға көтерілді. Бұл туралы KAZ.NUR.KZ UFC-дің ресми сайтына сілтеме жасап хабарлайды.
Осыған дейін Асу Алмабаев рейтингте 15-орында тұрған еді. Ол 6-сатыда болған файтер Мухаммед Мокаевтың промоушеннен кетуіне байланысты 14-орынға жоғарылады.
Айта кетейік, Асу Алмабаев келесі жекпе-жегін 20 қазанда Лас-Вегаста (Невада, АҚШ) өткізеді. Қазақстандық файтер 31 жастағы бразилиялық спортшы Матеус Николаумен (19-4-1) кездеседі.
Алмабаев соңғы рет октогонға 16 маусымда АҚШ-тағы UFC on ESPN 58 турнирінің басты кардында шықты. Ол америкалық файтер Хосе Джонсонмен кездесіп, төрешілердің шешімімен басым түскен болатын. Осылайша қазақстандық файтер MMA-дағы жиырмасыншы, ал UFC-дегі үшінші жеңісіне қол жеткізді.
Еске салайық, Асу Алмабаев UFC рейтингінің жоғары сатысында тұрған жауынгермен кездескісі келетінін айтқан еді.
Мақаланың түпнұсқасы: https://kaz.nur.kz/sport/mma/2141943-resmi-asu-almabaev-ufc-reitinginde-koterildi/
