20 қазанда қазақстандық файтер Асу Алмабаев (20-2) АҚШ-тың Лас-Вегас қаласында өтетін UFC Fight Night 245 турнирінде өнер көрсетеді. Бұл туралы KAZ.NUR.KZ хабарлайды.
Асу Алмабаев бразилиялық файтер Матеус Николаумен (19-4-1) кездеседі. Бұл жекпе-жектің тікелей көрсетілімін UFC-дің ресми сайтынан көруге болады. Жекпе-жек Қазақстан уақыты бойынша сағат 03:30-да басталады.
Еске сала кетейік, қазіргі уақытта Матеус Николау UFC-дің ең жеңіл салмақтағы рейтингінде 7-орында тұрса, Асу Алмабаев 14-орынға орналасқан. Бұл салмақ дәрежесінде бразилиялық Александр Пантожа көш бастап келеді.
Рейтингте 14-орында тұрған Асу Алмабаев соңғы рет октагонға биылғы жылдың маусым айында UFC on ESPN 58 турнирінде шыққан болатын, онда Хосе Джонсонды (20-2) төрешілердің бірауыздан қабылдаған шешімімен жеңген.
Ал рейтингте 7-орында тұрған Матеус Николау соңғы жекпе-жегін биылғы жылдың сәуір айында UFC on ESPN 55 турнирінде өткізді, онда Алекс Перезге қарсы шығып, екінші раундта нокаутқа түсіп жеңілді. Николау мансабында 19 жеңіске жетіп, 4 жеңіліске ұшырап, 1 тең нәтижеге қол жеткізген.
Мақаланың түпнұсқасы: https://kaz.nur.kz/sport/mma/2174877-ufc-zhauyngeri-asu-almabaevtyng-zhekpe-zhegi-qashan-zhane-qaidan-koruge-bolady/
