Қазақстандық файтер Асу Алмабаев бразилиялық Матеус Николаумен өтетін кездесуі алдында UFC чемпионы атағына үміткер болу туралы жоспарын бөлісті. Бұл туралы KAZ.NUR.KZ Meta-ratings.kz сайтына сілтеме жасап хабарлайды.
"Егер дәл осылай менің жеңісті жолым жалғаса берсе, келесі жылы 100% UFC чемпионы атағы үшін таласатын үміткер боламын. Қазіргі уақытта біздің дивизионда түрлі өзгерістер болып жатыр. Егер қатарынан жеңіске жетіп, көзге түссең, кез келген сәтте чемпиондық белбеу үшін жекпе-жекке шығуың мүмкін. Кім аш болса, сол әрдайым жеңіске жетеді. Рейтингтегі үздік топ-5 қатарындағы барлық жауынгер тең дәрежеде деп ойлаймын, ал жеңіс жекпе-жек жоспары мен жауынгерлік ақыл-парасатқа байланысты болады", - деді Асу Алмабаев.
Айта кетейік, Асу Алмабаев пен Матеус Николаудың жекпе-жегі 20 қазанда Лас-Вегаста өтетін UFC Fight Night 245 турнирінде болады. Бразилиялық спортшыны жеңген жағдайда Асу Алмабаев UFC-дің жеңіл салмақтағы рейтингінде үздік 10 спортшының қатарына кіруі мүмкін.
Мақаланың түпнұсқасы: https://kaz.nur.kz/sport/mma/2175789-ufc-chempiony-atagyna-talasamyn-asu-almabaev-ozining-aldagy-zhosparlary-turaly-aitty/
