"Күніне 2-3 рет төбелесетінмін": Шавкат Рахмонов балалық шағын еске алды

UFC файтері Шавкат Рахмонов YouTube желісіндегі "Naiza TV" арнасына берген сұқбатында бала кезіндегі естеліктерін айтты. Бұл туралы KAZ.NUR.KZ хабарлайды.

"Бала кезімде өте көп төбелестім. Тіпті кей кездері төбелескім келмейтін де еді... Егер адам әркіммен бір соқтығыса берсе, оның төбелесуге деген құлқы да жойылады екен.

Үлкен ағам мені кез келген адаммен төбелестіретін. Ол адамдар менен 2-3 жас үлкен болса да, тай салмай төбелеске кіріп кете беретінмін. Тіпті күніне 2-3 рет төбелесетінмін. Бірақ есейе келе, ой толыса бастаған шақта мен төбелескім келмеді. Құлшынысым жоғалды", - деді Шавкат Рахмонов.

Айта кетейік, Шавкат Рахмонов 7 желтоқсанда АҚШ-тың Лас-Вегас қаласында UFC 310 турнирінде жартылай орта салмақтағы чемпионы Белал Мухаммадқа қарсы кездесу өткізеді. Бұл жекпе-жек Шавкат Рахмонов үшін UFC-дегі жетінші кездесуі болмақ.

Мәтіннен қате тапсаңыз, бізге жазыңыз