Шавкат Рахмоновтың чемпиондық жекпе-жегі өтпейтін болды

Қазақстандық жауынгер Шавкат Рахмоновтың (18-0) UFC 310 турниріндегі чемпиондық жекпе-жегі өтпейтін болды. Бұл ақпаратты Шавкаттың командасы растады, деп KAZ.NUR.KZ Vesti.kz сайтына сілтеме жасап хабарлайды.

Жартылай орта салмақтағы чемпиондық белбеу үшін жекпе-жек 8 желтоқсан күні Лас-Вегаста (Невада, АҚШ) өтуі тиіс еді. Алайда чемпион Белал Мухаммад (24-3-0-1) белгісіз себептерге байланысты кездесуден бас тартқан.

Шавкат Рахмоновтың командасы бұл жекпе-жектің өтпейтінін растады. Қазіргі таңда Шавкаттың UFC 310 турнирінде басқа қарсыласпен шығуы мүмкін бе немесе чемпион Белал Мухаммадпен жекпе-жекті күте ме деген сұрақ төңірегінде келіссөздер жүргізілуде.

Бұған дейін аустралиялық инсайдер Брэндон Брэдфорд Х желісіндегі ресми парақшасында Белал Мухаммад (24-3) қазақстандық файтер Шавкат Рахмоновқа (18-0) қарсы кездесуден бас тартқаны туралы айтқан болатын.

Сондай-ақ шетелдік инсайдер бұл ақпарат нақтыланған кезде UFC Шавкат Рахмоновқа жаңа қарсылас тауып беретінін жеткізді.

Мәтіннен қате тапсаңыз, бізге жазыңыз