Белал Мухаммад Шавкат Рахмоновтың уақытша титул үшін кездесу өткізуге қарсы екенін айтты

Белал Мухаммад қазақстандық жауынгер Шавкат Рахмоновтың UFC-дің жартылай орта салмақтағы уақытша титулы үшін жекпе-жек өткізуге қарсы екенін мәлімдеді. Бұл туралы KAZ.NUR.KZ хабарлайды.

Қазақстандық файтер Шавкат Рахмонов жартылай орта салмақтағы UFC чемпионы Белал Мухаммадпен жекпе-жегі өтпейтініне қатысты пікір білдірген болатын. Қазақстандық жауынгердің айтуынша, ол уақытша титул үшін кез келгенімен жекпе-жекке шығуға дайын.

"Уақытша титул дейсің бе, бауырым? Мен 6 айға емес, бар болғаны 6 апта жарыстан шет қалдым. Шавкат пен оның командасы басты жекпе-жекте уақытша титул үшін айқасқысы келеді. Оларға мұндай мүмкіндік берілмейтін шығар деп ойлаймын.

Иэн Гэрридің қарсыласы бар, ал уақытша титул үшін жекпе-жекте ол тек Камару Усманмен кездесуі мүмкін", - деді Белал Мухаммад YouTube желісіндегі Anik & Florian Podcast арнасына берген сұқбатында.

Айта кетейік, қазақстандық спортшы Шавкат Рахмонов UFC-дің жартылай орта салмақтағы чемпионы Белал Мухаммадқа қарсы Лас-Вегаста UFC 310 турнирінде кездесу өткізбекші болған. Алайда Белал Мухаммад аяғына инфекция жұқтырып алуына байланысты жекпе-жектен бас тартты.

Мәтіннен қате тапсаңыз, бізге жазыңыз