Қазақстандық аралас жекпе-жек шебері Жалғас Жұмағұлов (16-9) еуропалық OKTAGON промоушеніндегі дебюттік кездесуін өткізді. Бұл туралы KAZ.NUR.KZ хабарлайды.
Жалғас Жұмағұлов еуропалық OKTAGON лигасындағы алғашқы кездесуін Братиславада (Словакия) Уэльс спортшысы Аарон Эйбиге (16-9-1) қарсы өткізді. Нәтижесінде Жалғас Жұмағұлов 3 раундқа созылған кездесуде төрешілердің бірыңғай шешімімен жеңіске жетті.
Бұл 36 жастағы Жалғас Жұмағұловтың чех-словакиялық промоушендегі алғашқы жекпе-жегі болмақ. Ал Эйби болса, осы ұйымның чемпиондық белбеуі үшін екі рет айқасқа түсіп, екеуінде де жеңіліске ұшыраған.
Осыған дейін ол UFC промоушенінде бақ сынаған. Қазақстандық файтер бұл промоушенде 7 кездесу өткізіп, 1 рет жеңіске жетсе, 6 мәрте жеңіліс тапты.
Айта кетейік, Жалғас Жұмағұлов соңғы жекпе-жегін биыл 24 ақпанда Алматыдағы Naiza FC 57 турнирінде өткізген болатын. Сол кездесуде ол америкалық спортшы Кливленд Маклинді төрешілердің бірыңғай шешімімен жеңіп шықты.
Мақаланың түпнұсқасы: https://kaz.nur.kz/sport/mma/2185275-zhalgas-zhumagulov-europalyq-promoushendegi-algashqy-zhekpe-zheginde-zhengiske-zhetti/
