Шавкаттың жаңа қарсыласы қазақ жауынгерін "келемеждеп" фото жариялады

UFC-дің ирландиялық жұлдызы Иэн Мачадо Гэрри әлеуметтік желіде қазақстандық файтер Шавкат Рахмоновқа қатысты жазба жариялады. Бұл туралы KAZ.NUR.KZ хабарлайды.

Иэн Гэрри Instagram желісіндегі ресми парақшасында қазақстандық файтер Шавкат Рахмоновты келемеждеп, оған қатысты жазба жариялады.

Dar Team командасы Instagram-дағы парақшасында Шавкат Рахмоновтың келесі жекпе-жегі туралы ресми ақпарат жариялады. Дереккөздің мәліметінше, Рахмонов 8 желтоқсанда UFC-дің уақытша белбеуі үшін ирландиялық Иан Гэрримен жұдырықтасады.

Айта кетейік, қазақстандық файтер соңғы жекпе-жегін 2023 жылы желтоқсанда өткізіп, америкалық спортшы Стивен Томпсонды екінші раундта ұтқан болатын. Шавкат MMA-да 18 рет, UFC-де 6 рет жеңіске жеткен. Ал 27 жастағы Иэн Гэрри өз мансабында 19 жекпе-жек өткізіп, бәрінде жеңіске жеткен. Ол соңғы рет 29 маусымда Майкл Пейджді төрешілердің бірыңғай шешімімен жеңді.