UFC-дің аты аңызға айналған файтерлері Хабиб пен Конор қаңтарда октагонда кездесуі мүмкін

UFC-дің аты аңызға айналған файтерлері Хабиб Нурмагомедов пен Конор Макгрегор титулдық жекпе-жекте октагонда қайтадан кездесіп қалуы мүмкін. Бұл туралы KAZ.NUR.KZ Х желісіндегі DovySimuMMA парақшасына сілтеме жасап хабарлайды.

Усман Нурмагомедов пен Пол Хьюз арасындағы Bellator лигасының жеңіл салмақтағы чемпиондық жекпе-жегі 2025 жылдың 25 қаңтарында Дубайда (БАӘ) өтеді. Дереккөздің мәліметінше, Хабиб Нурмагомедов немере інісі Усман Нурмагомедовтың бұрышында болса, Конор Макгрегор өз отандасы, ирландиялық Пол Хьюзды қолдайтын болады.

UFC-дің аты аңызға айналған қос файтері октагонның екі жағында өз серіктестеріне қолдау көрсетеді.

Еске сала кетейік, 2018 жылы Хабиб Нурмагомедов пен Конор Макгрегор UFC тарихындағы ең шулы жекпе-жектердің бірінде кездескен еді. Бұл кездесуде Хабиб Нурмагомедов төртінші раундта Конор Макгрегорды тұншықтыру әдісімен жеңіп, жеңіл салмақтағы чемпиондық титулын қорғаған болатын.