Ертең, 30 қарашада Алматыдағы Балуан Шолақ атындағы спорт сарайында аралас жекпе-жектен Nomad Fighting турнирі өтеді. Кештің басты айқасында қазақстандық Мұратбек Қасымбай мен ресейлік Иса Исаев кездеседі, деп KAZ.NUR.KZ Nomad Fighting Championship лигасының баспасөз қызметіне сілтеме жасап хабарлайды.
Кеше, 28 қарашада Мұратбек Қасымбай мен Иса Исаев жекпе-жек алды баспасөз мәслихатын өткізді.
"Менің ойымша, Мұратбек ыңғайлы әрі оңай қарсылас. Себебі мен боксшы ретінде ерекшеленемін. Қасымбай, еш ренжіме. Бірақ сені нокаутқа жіберемін", - деді Иса Исаев.
Ал бұған жауап ретінде Мұратбек Қасымбай ресейлік файтерді бүйірден соғып, жекпе-жекті мерзімінен аяқтайтынын айтты.
"Мен статистикаға иек артамын. Статистикаға қарасақ, сен әлі бірде-бір қарсыласыңды нокаутқа жібермегенсің. Менің болжауым бойынша сені бүйірден соғып, отырғызамын", - деді Мұратбек Қасымбай.
"Қазақ терминаторы" лақапатымен танымал Мұратбек Қасымбай мен "Тандовский" лақапатымен көпшілікке белгілі ресейлік Иса Исаевтың арасындағы чемпиондық жекпе-жек ММА ережесіне сәйкес өтеді.
Nomad Fighting Championship лигасының бұл кешінде 12 тартысты жекпе-жек өтеді:
- Жеңіл салмақтағы чемпиондық айқас
Мұратбек Қасымбай – Иса Исаев.
- Жартылай орта салмақтағы чемпиондық айқас
Темерулан Шашубай – Васиф Аббасов.
- Жартылай жеңіл салмақ – 65 кг дейін
Жұман Жұмабеков – Вандерлей Левандовски.
- Жеңіл салмақ – 70 кг дейін
Еркебұлан Тоқтар – Фарид Ядуллаев.
- Жеңіл салмақтағы чемпиондық айқас
Айдос Жаппарбергенов – Бектас Касенай.
- Жартылай орта салмақ – 77 кг дейін
Қанат Құлмағамбетов – Әмірхан Оев.
- Жеңіл салмақ – 70 кг дейін
Сағынай Шүкір – Джавид Рзаев.
- Жартылай орта салмақ– 77 кг дейін
Бобур Абдулазизов – Шерзод Абдужаппаров.
- Орта салмақ – 84 кг дейін
Асан Сұлтанов – Дуглас Оливейра.
- Жеңіл салмақ – 61 кг дейін
Алмаз Нұрғали – Магомед Асадов.
- Орта салмақ – 84 кг дейін
Абай Төлеш – Азамат Бақытов.
Айта кетейік, Алматыдағы Балуан Шолақ атындағы спорт сарайында аралас жекпе-жектен Nomad Fighting турнирі 30 қарашада сағат 18:00-де басталады.
Мақаланың түпнұсқасы: https://kaz.nur.kz/sport/mma/2194316-muratbek-qasymbai-men-erkebulan-toqtar-almatyda-nomad-fighting-championship-ligasynyng-turniri-otedi/
