БАҚ: Асу Алмабаев UFC-дегі келесі жекпе-жегін наурызда өткізеді

UFC-дің аса жеңіл салмақтағы файтері Асу Алмабаев келесі жекпе-жегі 2025 жылдың наурызында өткізеді. Бұл туралы KAZ.NUR.KZ "Спорт Шредингер" сайтына сілтеме жасап хабарлайды.

Дереккөздің мәліметінше, Асу Алмабаев 2025 жылдың 1 наурызында Лас-Вегаста өтетін UFC Vegas 103 турнирінде жекпе-жегін өткізеді.

Бұл кездесу қазақстандық файтер Асу Алмабаевтың UFC-дегі бесінші жекпе-жегі болмақ. Асу Алмабаевтың қарсыласы өз салмағындағы үздік 10 жауынгердің бірі болады. Жекпе-жек туралы ресми хабарландыру жақын арада жасалады деп күтілуде.

Айта кетейік, Асу Алмабаев UFC-дегі дебютін 2023 жылдың тамыз айында Одди Осборнды тұншықтыру әдісімен жеңіп бастаған болатын. Биыл ол бірінен кейін бірін СиДжей Вергараны, Хосе Джонсонды және Матеус Николауды төрешілердің бірыңғай шешімімен жеңді.

30 жастағы Асу Алмабаев ММА-де қатарынан 17 жеңіс сериясын жалғастырып келеді. Ол Матеус Николауды жеңгеннен кейін бірден жеті сатыға көтеріліп, UFC рейтингінде 7-орынға тұрақтады.

Мәтіннен қате тапсаңыз, бізге жазыңыз