Дзюдодан Париж Олимпиадасының чемпионы Елдос Сметов қазақстандық файтер Шавкат Рахмоновтың UFC чемпионы болу мүмкіндігіне қатысты пікірін айтты. Бұл туралы KAZ.NUR.KZ Sportnews.kz cайтына сілтеме жасап хабарлайды.
"Әрине, Шавкатқа сенеміз. Әр қазақ әлемдік аренаға шыққан жерлесін қолдамаса, елімізде ешқандай жетістік пен жеңіс болмайды деп ойлаймын. Сондықтан мен сенемін. Құдай қаласа, Шавкат әлі де бүкіл әлемді бағындырады", - деді Сметов.
Қазір Шавкат Рахмонов UFC-дің жартылай орта салмақ дәрежесіндегі рейтингте екінші орында тұр. Ол соңғы жекпе-жегінде ирландиялық файтер Иэн Мачадо Гэрриді төрешілердің шешімімен жеңген еді.
Еске салайық, еркін күрестен әлем чемпионы Нұрқожа Қайпанов Шавкат Рахмоновтың UFC чемпионы Белал Мухаммадқа қарсы өтуі мүмкін жекпе-жегі туралы пікір білдірген еді.
Мақаланың түпнұсқасы: https://kaz.nur.kz/sport/mma/2207525-ali-de-bukil-alemdi-bagyndyrady-eldos-smetov-shavkat-rahmonov-turaly-aitty/
