"UFC-дің чемпиондық белбеуі": Асу Алмабаев 2025 жылға қойған ең басты мақсатын айтты

UFC файтері Асу Алмабаев (21-2) 2025 жылға қойған басты мақсатын айтты. Бұл туралы KAZ.NUR.KZ Sportnews.kz сайтына сілтеме жасап хабарлайды.

"Зұлпықар" лақапатымен танымал Асу Алмабаевтың айтуынша, ол UFC-дің ең жеңіл салмақтағы чемпиондық белбеуін жеңіп алуға ниетті.

"Биыл мен UFC-дің чемпиондық белбеуін Қазақстанға алып келгім келеді. Бұл – 2025 жылға қойған басты мақсатым", - деді Асу Алмабаев.

Айта кетейік, қазіргі таңда Асу Алмабаев UFC-дің ең жеңіл салмақтағы дивизионының рейтингінде 8-орында тұр.

1 наурызда АҚШ-тың Лас-Вегас қаласында өтетін UFC Vegas 103 турнирінде Асу Алмабаев рейтингте 9-орында тұрған аустралиялық Стив Эрцегпен (12-3) кездеседі.

Асу Алмабаев 2023 жылы UFC-дегі дебютінде Одди Осборнды тұншықтыру әдісімен жеңген болатын. Ал 2024 жылы ол Си Джей Вергараны, Хосе Джонсонды және Матеус Николауды төрешілердің бірыңғай шешімімен жеңді.

Мәтіннен қате тапсаңыз, бізге жазыңыз