ММА сарапшысы, Eurosport Nederland журналисі Марсель Дорфф қазақстандық файтер Дияр Нұрғожайдың дебюттік жекпе-жегі туралы пікір білдірді. Бұл туралы KAZ.NUR.KZ Sports.kz сайтына сілтеме жасап хабарлайды.
15 наурызда АҚШ-тың Лас-Вегас қаласында өтетін UFC Vegas 104 турнирінде жартылай ауыр салмақта Дияр Нұрғожай (10-0) аталмыш промоушендегі алғашқы жекпе-жегін өткізеді. Қазақстандық спортшы "Горилла" лақапатымен танымал бразилиялық Брэнсон Рибейромен (16-7) кездеседі.
"Бұл қазақстандық спортшы үшін өте ұтымды кездесу деп ойлаймын. Егер Рибейро бұл кездесуде жеңілсе, оны UFC-ден шығарып жіберуі мүмкін.
Диярдың нокаутқа түсіретін күшті соққысы бар, ал Брэнсонның төзімділігі жоғары деңгейде емес", - деді Дияр Нұрғожай.
Еске салайық, 2 қыркүйекте қазақстандық аралас жекпе-жек шебері Дияр Нұрғожай (10-0) UFC-мен келісімшартқа отыруға мүмкіндік беретін Dana White’s Contender Series турнирінде өнер көрсетіп, жеңіске жеткен болатын.
Мақаланың түпнұсқасы: https://kaz.nur.kz/sport/mma/2208554-kushti-soqqysy-bar-mma-sarapshysy-ufc-de-debiut-zhasaityn-qazaq-zhauyngeri-turaly-pikir-bildirdi/
