Александр Усик тағы да аса ауыр салмақта абсолютті әлем чемпионы атанды

Ұлыбританияның Лондон қаласында украиналық боксшы Александр Усик (23-0, 14 KO) пен британдық Даниэль Дюбуа (22-2, 21 KO) арасындағы реванш-жекпе-жек өтті, деп хабарлайды Sports.kz-ке сілтеме жасаған kazinform.kz.

Олар аса ауыр салмақта абсолютті әлем чемпионы атағын сарапқа салды. Жекпе-жек он екі раундқа жоспарланған еді. Дегенмен бесінші раундта Усик қарсыласын нокаутқа жіберді.

Осылайша, Александр Усик кәсіпқой мансабындағы 24-ші жеңісіне қол жеткізіп, тағы да хэвивейт салмағында абсолютті әлем чемпионы атанды.

Ал Даниэль Дюбуа үшін бұл кәсіби рингтегі үшінші жеңілісі болды.

Еске салсақ, Усик пен Дюбуа арасындағы алғашқы жекпе-жек 2023 жылдың тамызында өтіп, тоғызыншы раундта украиналық боксшының жеңісімен аяқталған болатын.

Мәтіннен қате тапсаңыз, бізге жазыңыз