Ниджат Рахимов жарыстардан шеттетілуіне байланысты мәлімдеме жасады

Допингке қарсы ережелерді бұзғаны үшін жарыстардан уақытша шеттетілген ауыр атлетикадан 2016 жылғы Олимпиада чемпионы, қазақстандық спортшы Ниджат Рахимов әлеуметтік желідегі парақшасында мәлімдеме жасады.

"Достар, кеше кешке өзіме тағылып жатқан айыптар туралы хабарлама алдым. Меніңше, мұндай жаңалық кезекті жарысқа дайындалып жатқан кез келген атлет үшін тосын жайт болары анық.

Мені қандай да бір тыйым салынған затты қолданды деп айыптап жатқан жоқ. Мен кез келген кәсіби спортшы ретінде маусым бойы допингке бірнеше рет сынамалар тапсырамын. Әрі қарай несебіммен не болатыны маған белгісіз. Бұл бізді тексеретін органдардың жауапкершілігінде.

Достар, мен беріле салып, өзгенің кінәсін өз мойныма алмақ ниетте емеспін. Мен жеңіске жеткен күні мыңдаған қазақстандықтың қуанғаны мені үнемі шабыттандырады. Менің адал достарым яғни сіздер мені қазіргі уақытта да қолдайтындарыңызға сенімдімін. Мен спорттың таза болғанын қалаймын", - дейді спортшы.

Сөз соңында Ниджат Рахимов Халықаралық тест агенттігінде түсініктеме беретінін, осы жазылғанның барлығын баяндайтынын атап өтті.

Посмотреть эту публикацию в Instagram

Публикация от Instagram

Еске сала кетек, Ниджат Рахимов допингке қарсы ережелерді бұзғаны үшін жарыстардан уақытша шеттетілгенін жазған едік.

Рахимов 2016 жылы сараптамаға жіберілген несебін ауыстырды деп айыпталуда.

Ауыр атлет допинг дауына алғаш реті ілігіп отырған жоқ. 2013 жылы тамызда ол допингке қарсы ережені бұзғаны үшін спорттан екі жылға шеттетілген болатын.

Мәтіннен қате тапсаңыз, бізге жазыңыз