Миланда өтіп жатқан әлем чемпионатында ел қоржынына тарихи медаль түсті

Семсерлесуден Миланда өтіп жатқан әлем біріншілігінде ел қоржынына тарихи медаль түсті.

Бұл туралы Спортты дамыту дирекциясының баспасөз қызметі хабарлады.

"Тарихи медаль. Руслан Курбанов Миланда өтіп жатқан әлем чемпионатының жартылай финалына шығып, кемі қола жүлдеге қол жеткізді.

Отандық спортшы ширек финалда италиялық Валерио Куомоны ұтты.

Енді ол финалға берілер жолдаманы мажарстандық Мате Кохпен сарапқа салады", - делінген хабарламада.

Мәтіннен қате тапсаңыз, бізге жазыңыз