Қазақстан қоржынына Париж Олимпиадасының отыз үшінші жолдамасы түсті

Бадминтоннан Қазақстан ұлттық құрамасының спортшысы Дмитрий Панарин Парижде өтетін жазғы Олимпиада ойындарына жолдама жеңіп алды. Бұл туралы KAZ.NUR.KZ Cпортты дамыту дирекциясының Instagram-дағы ресми парақшасына сілтеме жасап хабарлайды.

Дмитрий олимпиадалық рейтингте 25005 ұпаймен 31-орынға тұрақтады. Сондай-ақ Қазақстан командалық есепте алғашқы 25 елдің қатарына кірді.

Қазір Қазақстан делегациясында Париж Олимпиадасының 33 лицензиясы бар:

• бокс – 7 (ерлер 6, әйелдер 1);
• нысана көздеу – 5;
• садақ ату – 4;
• семсерлесу – 4;
• тас жолдағы велоспорт – 3;
• қазіргі бессайыс – 2;
• таэквондо – 2;
• грек-рим күресі – 1;
• еркін күрес – 1; спорттық гимнастика – 1;
• батуттағы гимнастика – 1;
• жеңіл атлетика –1;
• бадминтон – 1.

Айта кетейік, Париж Олимпиадасы 26 шілде мен 11 тамыз аралығында өтеді.

Мәтіннен қате тапсаңыз, бізге жазыңыз