Геннадий Головкин халықаралық Олимпиада комитетінің президентімен кездесу өткізеді
Опубликовано:
Геннадий Головкин бастаған Қазақстан Ұлттық Олимпиадалық комитетінің делегациясы Лозаннаға (Швейцария) барды. Бұл туралы KAZ.NUR.KZ Ұлттық Олимпиадалық комитеттің ресми сайтына сілтеме жасап хабарлайды.
Қазақстандық делегация ХОК-тың штаб-пәтері саналатын Лозаннадағы Олимпиадалық үйге барды. Делагацияның құрамында бас хатшы Жанар Өтешева мен Қазақстан ҰОК бас директоры Нұрлан Нөгербек те бар.
Қазақстан ҰОК өкілдеріне арнап түрлі Олимпиадалық қозғалыстың заманауи дамуындағы түрлі аспектілер мен ерекшеліктерді қамтыған таныстырылым өтті. Жұмыс сапары аясында түрлі ХОК департаменттерімен кездесулер ұйымдастырылады.
Айта кетейік, аталған іс-сапардың басты оқиғасы – Геннадий Головкин мен Халықаралық Олимпиада комитетінің президенті Томас Бах арасындағы кездесу болмақ.
"Аталған жұмыс сапары халықаралық спорттық байланыстарды нығайтып, Қазақстандағы Олимпиадалық қозғалысты бірлесе дамыту жолында маңызды қадам болмақ", - делінген хабарламада.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2105088-gennadii-golovkin-halyqaralyq-olimpiada-komitetining-prezidentimen-kezdesu-otkizedi/