Париж Олимпиадасының ашылу салтанаты басталды
Опубликовано:
Франция астанасы Парижде жазғы Олимпиада ойындарының ашылу салтанаты басталды. Бұл туралы KAZ.NUR.KZ тілшісі хабарлайды.
Тарихта алғаш рет жазғы Олимпиаданың ашылу салтанаты стадионда емес, су үстінде өтіп жатыр. Ұлттық құрамалар қайыққа мініп Париждегі Сена өзенін бойлай қайықпен шеру жасауда. Алғаш болып Грекия Олимпиада құрамасы шықты.
Салтанатты шарада 100-ге жуық қайық қолданылатыны хабарланған еді. 10 500 спортшы шығыстан батысқа 6000 шақырымды қайықпен жүзіп өтеді. Шеру Трокадеро алаңының маңында аяқталады. Мұнда ашылу салтанатының маңызды бөлігі – Олимпиада алауын жағу рәсімі өтеді.
Париж Олимпиадасы 11 тамызға дейін жалғасады. Төрт жылдықтың басты бәсекесінде Қазақстан намысын 80 спортшы қорғайды деп жоспарланған еді. Алайда теннисші Елена Рыбакина денсаулығына байланысты Олимпиадаға қатыспайтын болды. Осылайша, Парижде 79 қазақстандық спортшы бақ сынайды. Олар спорттың 25 түрінен жүлдеге таласады.
- Алматы және Астана тұрғындары Олимпиаданың ашылу салтанатын үлкен экрандардан көре алады
- "Аянып қалмаймын": дзюдошы Нұрлыхан Шархан байрақты бәсекеде барын салатынын айтты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2140413-parizh-olimpiadasynyng-ashylu-saltanaty-bastaldy/