Париж-2024: қазақстандық дзюдошы Олимпиаданың екі дүркін жүлдегерін жеңді
Опубликовано:
Қазақстандық дзюдошы Ғұсман Қырғызбаев Франция астанасы Париждегі жазғы Олимпиада ойындарының ширек финалына өтті. Бұл туралы KAZ.NUR.KZ тілшісі хабарлайды.
Париж татамиіндегі бәсекенің 1/8 финалында Ғұсман Қырғызбаев Оңтүстік Корея өкілі Ан Баулмен кездесті. 66 кг салмақ дәрежесінде өткен белдесуде қазақстандық дзюдошы 1:0 есебімен (вазари) жеңіп, ширек финалға шықты.
Ан Баул – Олимпиада ойындарының күміс (2016) және қола (2020) жүлдегері. Ал Ғұсман Қырғызбаев – 2021 жылғы әлем чемпионатының күміс жүлдегері, 2019 және 2022 жылдары өткен Азия біріншіліктерінің қола медаль иегері.
Енді Ғұсман Қырғызбаев ширек финалда франциялық дзюдошы Валид Кхярмен кездеседі. Валид – әлем чемпионатының және Еуропа біріншілігінің жүлдегері.
Қырғызбаев Париж Олимпиадасындағы алғашқы белдесуінде испаниялық дзюдошы Дэвид Гарсиямен кездесіп, қосымша уақытта "вазари" ұпайымен жеңген болатын.
- Айбек Оралбай қарсыласын нокдаунға түсіріп жеңіске жетті
- Дзюдошы Ғұсман Қырғызбаев Париж Олимпиадасын жеңіспен бастады
Оригинал статьи: https://kaz.nur.kz/sport/olympiad/2140900-gusman-qyrgyzbaev-olimpiadanyng-eki-durkin-zhuldegerin-zhengdi/