"Түркия киллер жіберген бе": Олимпиадаға жабдықсыз келіп, жүлдегер атанған мерген жұртты таңғалдырды (видео)
Опубликовано:
Париж-2024 ойындарына құрал-саймандарсыз келіп, Олимпиадада күмісті иеленген түрік мергені жанкүйерлерді баурап алды. Бұл туралы KAZ.NUR.KZ хабарлайды.
51 жастағы Юсуф Дикеч Олимпиада-2024 ойындарына еш жабдықсыз, қыртысталған киіммен келе салған.
Мергендерге ыңғайлы болу үшін арнайы көзілдірік пен артық дыбысты естіртпейтін құлаққаптар берілуге тиіс. Алайда түрік спортшысы оның біреуін де қолданбады. Тіпті, жарыс кезінде бір қолын қалтасына салып, өзінің көзілдірігімен тұра берген.
Спортшының өнер көрсету сәті Х желісінде жарияланды, онда Юсуф өзін сабырлы әрі өзіне сенімді ұстаған.
"Түркия елі киллер жіберген бе?", - делінген жазбада.
Видеоны көрген желідегілер спортшының мергендігіне таңданысын жасыра алмаған.
1news.a ақпараттық порталының мәліметінше, Дикеч – Түрік жандармериясының отставкадағы офицері. Бұл оның бесінші Олимпиада ойындары және алғашқы медалі.
- Тағы бір қазақстандық садақшы Олимпиаданың алғашқы айналымында сүрінді
- Олимпиада чемпионы Елдос Сметовке 100 бас жылқы атаған кәсіпкер пікір білдірді
Мәтіннен қате тапсаңыз, бізге жазыңыз